ခေါက်ရှာငှက်ကလေးများ

 ခေါက်ရှာငှက်ကလေးများ

သီချင်းဟောင်းတွေကြောင့် ကမ္ဘာဟောင်းခဲ့ရတယ်

မနေ့ကလည်း ဒါပဲ

ဒီကနေ့လည်း ဒါပဲ

ဒါပဲ

ဟောင်းပြီးရင်း ဟောင်းနေတော့တယ်

အကာအကွယ်မရှိဘဲ ဟင်းလင်း

အတင်းအကျပ် စီးနင်းခံရ

လောကကြီးကို လေ့လာကြည့်တော့

ဘာမှန်းမသိတော့ဘူး

ဘဝကို တစ်စစီ လိုက်လိုက်စမ်းရ

ဒီလောက်တောင် ရှူံးရပြီလား

ပေါက်ကွဲချင်တယ်

မျိုသိပ်ပေးလိုက်ရ

အနာဆုံး ဒဏ်ရာပါပဲ

စိတ်နှလုံး ခြောက်ခြားဖွယ်ရာပါလား

ဝန်စည်စလယ်တွေ လေးလေးလံလံ ထမ်းပိုးခဲ့ရ

ဘာတွေမှန်းမသိ

လိုအပ်တာထက် ပိုမိုလှပသာယာလာ

ဒီဘဝမှာ

ငါပေါင်းရတဲ့ အရာတွေမှန်သမျှ မကောင်း

ငါမပေါင်းရတဲ့ အရာမှန်သမျှသာ ကောင်းခဲ့

ပျော်စရာနေ့ရက်တွေ ပျောက်ဆုံးခဲ့

နေ့ရက်တိုင်း ညှိုးငယ်ခဲ့ရတယ်

သုညမှ ဘာမှမရှိ

စပါးပိုး ကောက်ပိုး အသီးအနှံပိုးတွေ

ဖောက်ချည်ရက်ခဲ့

လေချိုလေအေးတွေ အရှိန်အဟုန်ပြင်းပြင်း

ငါ့ခရီးစဉ်မှာ

ဉာဏ်ကြောင့် ဒုက္ခရောက်ရသည်တဲ့။ ။

မောင်ချောနွယ်